Saturday, August 14, 2010

Meizial Meizial Meizial!

Meizial ka zuk hmasak ber tum chu 1993 vel kha ni ta in ka hria, ka cousin in a zuk lai min fawh tir ve zuai a, pa ka in ti ve lutuk . Khatih lai khan pawl riat ka zir mek a mahse high school leh college ka kal lai kha chuan zu lo ang tluk ka ni in ka hria. High school kal lai chhung zawng kha chuan a belhkahwmin bawm hnih vel ka zuk ka ring.

College kal lai khan kar khatah tlawn 10 vel hi ka zu ve chauh maithei. 2003 khan hna ka thawk ve tan a , pawisa te kan lo hlawh chhuah ve vang te pawh niang ka zu hnem ta angrem khawp mai a. Rilru hah vang em em pawh a ni lo, thian ten an zuk vanga zu ve pawh ka ni chuang lo meizial zuk hi a nuam ka lo ti ve hrim hrim ti ila a dik ber awm e.

Hun rei lo te chhung khan nikhata tlawn 2 vel zu thin kha tlawn 10 ah ka kai chho ta thut ta a. 2007 thleng a ka zuk ber thin Wills Navy Cut kha 1995 a ka pocket money a ka lei hmasak ber khan bawm khat (10 awmna) hi cheng 12 ni ta in ka hria. Taksa pawn a tuar tan ta reng bawk a – chawlh hmanga Aizawl a ka haw chang te hian step a kal te kha ka harsat a thawk te hi a hah hma thei thin khawp mai. 2007 khan Wills Classic Milds ka zu tan ta a, packet khat (20s pack) hi Cheng 94 an chhiar a thla khatah hian cigarette man ringawtah cheng 2800 vel ka seng ang .

Ka sum hmanral atang ringawt pawh hian meizuk bansan tumna rilru lian tak chu nei tawh tur chu ka nia mahse bansan tawp hi a lo har em ani. Chawi ei kham te hian zuk hi a nuam em a , a bikin vawksa hmeh zawh a chaw ei khama kuhva hring thial suah suah pah a han zuk heuh heuh hi chu a van han nuam tak em.

Tihtur neih loh chang a in a awm mai mai TV/Movie en lai te hian meizial hi ka ban reng bawk. Vawi 3 vel chu bansan ka tum tawh a. A aiah sweet/bubblegum te ei kan tum a mahse a daih rei tak tak lo. Sap hovina “cold turkey” method an tih mai anga quit hi chu a lo har ngang mai. (Cold turkey quit chu vawilehkhata thil tih thin tih tawp thut) .

Nicotine patch hi hmang ve chhin ila a tha angem te ka tia mahse vawikhat chu Bangalore a medical dawr lian ve deuh ah hian Nicotine patch an neih leh neih loh ka zawt , a zuartupa pakhatin kan nei lo , chu chu enge , condom ami te ti mai mai sia ka buaipui zui ta em em rih lo.

Tichuan 2010 kumthar ni atang vel khan engtin tin mawni ka nghei ve tan a mahse nghei han tih ah Monday to Friday hi ka zu lova mahse weekend hi chuan ka insum zo ngang lova ka zu leh ta nge nge thin. Tiang khan thla thum erh awrh chu ka ti chhova mahse hun a lo kal zela thil hrang hrang vangten rilru hah chang a lo awm khan weekday zuk loh te kha ka thei ta ngang lova a ngai te in regular tak chuan hei ka lo zu leh chu a ni ta mai sia!

Kum lamah te pawh kan lo upa ve deuh tawh a (han ti ve ringawt ila) nupui te pawh kan la nei duh anga, fa te pawh kan la nei duh ngei dawn sia meizial kan zuk reng chuan fa neih lamah te pawh buaina a thlen thei dawn tih hria in tunlai tak hian bansan duhna rilru lian tak ka pu ve tan tawh. Thian te pawh hian i zu hnem e min ti fova a zahthlak lamah a kal tawh chuvangchuan theihtawp chhuahin nghei kan tum ve tawh ange!

13 comments:

Aduhi Chawngthu said...

Nghei ta la thla tin cheng 2800 i save anga kum 20 hnuah chuan cheng nuai ruk singsarih i save ni mai.

Kima dul tih thep tum kha enge a an tak zel le?

Anonymous said...

DUDE!! You've inspired me! (Not totally, but partially works for me!) I've lit one up occasionally since my 2nd yr in college and regularly by the 3rd year. Now, I savor one 10-pack GF Kings per weekday, and almost two over the weekend.
I've never thought of quitting simply cos' I didn't wanna. But now, I've realized its affecting my health too much. So, count me in. (They say the first few days are the hardest, but I haven't had a puff today and I feel fine, maybe I'm the late bloomer types! :p)

Anonymous said...

will call and give you motivational talks (a.k.a bore you to death) whenever you want a smoke, lol. cold turkey'd a year and five months ago, and really glad i did.

've heard patches don't help much, but can get you some if you like.

ku2 said...

Mizo tawng i van thiamve reuh :P
Niaaa, keipawh nghei chu ka duhve reng, a har anih hi. Nicotine gum lah hian luak a pawt sia, luakchhuak tihreh nan han zuk leh mai hi a awl lutuk. Cold turkey ka tuma, ka chhungte leh thiante zawng2 in ka thinchhe phi kual nasa ta lutuk kha an tuarzo leh silova. Zuk tlem tial2 ka tuma, hriatloh laiin alo tam leh thut bawk sia, ka bei a dawng rum2 :(

Mizohican said...

Kima dul chu a thep tawh lutuk @ Aduh :P

Nia meizial hi chu a tha lo an ti.

I can't quit smoking now coz I am on a strict dieting and gym course and my trainer will kill me if I change my current schedule. Hence if I quit smoking now, I will eat more (which is natural) hence screwing up my gym program. Once this gym thing is over, I will quit.

Mos-a said...


@Adoohi ) : Nia tiraw .. kum 12 ka khawl phei chuan a double dawn chiah chiah nih khi. Ka ti tak tak dawn.

@ReddestBlack - Im glad to have been of the tiniest help. I could never smoke GF Kings - made me nauseous like hell. I've not smoked since Monday Morning not because I wanted to quit but because I have a fever and cold :( but i found out that Yes It Can Be Done. All the best!

@Fedupon - hmm yeah I rmember you too used to smoke like a chimney on fire. Patches snatches meh.. thanks but only self motivation is going to help me quit :(

@2Ku: Keimah chu kum 10 tang khan Mijoram ah awm. Tlem Mizo tong keimah chuan thiam.

Hmannni chu nicotince gum ka ei ve lawm... ka ei sual a nilengin ka hrawk ah hian sahdah an hnawhlut ang hian ka awm. A hrehawm reuh ltk. Quit pui tur partner i zawn a ngai nih chu i quit duh chuan.

@Makima: thats a terrible excuse. Ive never heard of anyone being told to NOT quit smoking.

Anonymous said...

Mipa tan tumc huan theih loh hi awmah ka ngai lo :-P I nau pawn a zu lo aniah! :-)

^-||RaLtE||-^ said...

Ka meizial nghei ve dan chu:

Ka rilrua meizial nghei duhna ka neih lai tak chuan bawm khat la zuk zawh loh hi ka la nei a. Meizial tlawn ho chu ka pawt sawm veka bawlhhlawh bawmah ka peih ta a.

Kar hnih chhung vel chu ka zu leh chak lutuk hi awm ngaih na ka hre lo a ni ber. Ni khat phei chu bawm khat dawrah ka va lei leh ringawt nghe nghe a.

Inah ka haw a, ka meizial lei thar chu dawhkan ah ka dah a, ka en vang2 a, ka rilru in ka hawn veih chuan ka zu leh a ni mai dawn si a tiin ka inngaihtuah nasa mai a, hawng ngam ta lo chuan midang ka pe ta deih nghe nghe a.

Chutianga kar hnih vel, chak zualpui paltlang hnu chuan alo nghei theih khawp mai. Chak na pawh alo reh a, awlsam takin ka nghei zui ta mai.

Maisek said...

Determination! thats what we all need when trying to do away with bad habits!

Mimihrahsel said...

enge meizial chu? :P

caribou said...

Meizial i zuk loh khan i nghei chu a ni mai lawm ni? Kan thianpa chuan "Meikhu ur loh a tlo ngai lo," a ti ve tlat. Kan thianpa pakhat ve thung chuan, "Meizial hi kum 80 ka nih thlenga ka zu anih chuan, kum 80 ka dam dawn tihna a ni mai alawm," a ti ve leh tlat thung.

Mei ka zu ngai lova, zial zuk nghei harsat dan tur hi ka suangtuah phak meuh lo chu a ni e.

DayDreamBeliever said...

Wow dude! Blog i nei tih ka lo hre lo a, chu chu kan soi phots. Chuan wow for trying to quit. Nicotine patch chu keipawh ka sim chiang ltk, luak a pot ngoih2 a, ka nghei phah bok si lo. Keipawh ka mangang tran deuh, nghei a ngaiiiiii!!!

Mos-a said...

@seka - nia kan chhungkua in thilsual an tih hreh hi keiman ka ti vek alawm! hehe.

@^-||RaLtE||-^ : Blog ah chhuah law law la a ngaihnawm phian ang. Follow ka tum ve dawn emawni awww i nghei dan chu!

@Maisek: Easier said than done!

@Mimiehrahsel: in la goody goody emai. 2nd hand smoking will still kill you!

@caribou: keipawn damdawi ti thin te'n tinge nghei har an tih ka ngaihtuah ang deuh khan nangpawn kan tan zial nghei a har zia i hriathiamlo a nih dawn chu. (ka type buai nuai mai)

@DDBee: Aw nei reng e. News lo thei emai. tunah i la zu em? electronic cigarette te hi try chhin rawh!